Аккаунтту өчүрүү
JashMen — jashmenstudio.com
Аккаунтуңузду каалаган убакта, эч кимден сурабай, өзүңүз өчүрө аласыз. Эки жол бар: колдонмонун ичинен (дароо) же почта аркылуу (эгер колдонмого кире албай жатсаңыз).
1-жол — колдонмонун ичинен
Эң тез жолу. Өчүрүү ошол замат аткарылат.
- Орнотуулар бөлүмүн ачыңыз (төмөнкү менюдагы акыркы кыстырма).
- Барактын эң ылдый жагындагы «Аккаунтту өчүрүү» дегенди басыңыз.
- Ырастоо үчүн сырсөзүңүздү жазыңыз. Google же Apple менен катталган болсоңуз, сырсөз жок — анда ӨЧҮР деп жазасыз.
- «Биротоло өчүрүү» дегенди басыңыз.
Ошол эле кадамдар сайттагы Орнотуулар бетинде да иштейт.
2-жол — почта аркылуу
Телефонуңузду жоготсоңуз же кире албай жатсаңыз, бизге жазыңыз:
jashmenstudio@gmail.com
Каттын темасына «Аккаунтту өчүрүү» деп жазыңыз жана каттоодо колдонгон электрондук почтаңызды көрсөтүңүз. Ошол дарек чын эле сиздики экенин ырастаганыңыздан кийин, 30 күндүн ичинде өчүрөбүз.
Эмне өчүрүлөт
Төмөнкүлөрдүн баары кайтарылгыс жоголот:
- Электрондук почтаңыз
- Атыңыз жана профилдин сүрөтү
- Сырсөзүңүз, ошондой эле Google/Apple менен байланышы
- Бүткөн сабактарыңыз, жетишкендиктериңиз, серияңыз
- Монеталарыңыз жана алынган купондордун коддору
- Бардык түзмөктөрдөгү сессиялар — дароо чыгып калат
Эмне калат, жана эмне үчүн
Университетиңиздин жалпы упай саны ошол бойдон калат.
Себеби ал упай жалгыз сизге эмес — бүт кампуска таандык. Аны алып салсак, сезонду 105 541 упай менен аяктаган университеттин жыйынтыгы кийин өзүнөн-өзү өзгөрүп, спонсорго көрсөтүлгөн отчёт жалган болуп калмак. Ошондуктан сан калат, бирок ал эч кимге байланышпайт: анын артында аты да, почтасы да, сүрөтү да, кирүү жолу да жок. Ошол сандан сизди таап алуу мүмкүн эмес.
Ошол эле себеп менен өнөктөшкө берилген сыйлыктардын саны калат — бирок кимге берилгени да, промокоддун өзү да өчүрүлөт.
Канча убакытта
| Жол | Убакыт |
|---|---|
| Колдонмонун ичинен | Ошол замат |
| Почта аркылуу | 30 күндүн ичинде |
| Камдык көчүрмөлөрдөн | 90 күндүн ичинде |
Камдык көчүрмөлөр — маалымат жоголуп кетпеси үчүн сакталган архивдер. Алар жаңыланганда өчүрүлгөн маалымат аларда да калбайт.
Кайра катталсам болобу
Болот. Өчүргөндөн кийин ошол эле электрондук почта бошойт — аны менен жаңы аккаунт түзө аласыз. Бирок ал таптакыр жаңы аккаунт болот: эски прогрессиңиз, монетаңыз жана купондоруңуз кайтпайт.